Khutbah I
اَلْحَمْدُ للهِ الْمَوْجُوْدِ أَزَلًا وَأَبَدًا بِلَا مَكَانٍ، وَالصَّلَاةُ وَالسَّلَامُ الْأَتَمَّانِ الْأَكْمَلَانِ، عَلَى سَيِّدِنَا مُحَمَّدٍ سَيِّدِ وَلَدِ عَدْنَانَ، وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ، أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ، لَا نَبِيَّ بَعْدَهُ. أَمَّا بَعْدُ، فَإِنِّي أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْقَدِيْرِ الْقَائِلِ فِيْ مُحْكَمِ كِتَابِهِ: إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ
Ma’asyiral Muslimin jamaah jum’ah rahimakumullah,
Sedaya puji namung kagunganipun Allah SWT. Dzat ingkang Maha Kawasa. Dzat ingkang maringi kita kathah kanugrahan. Sedaya kanugrahan punika mangga tansah kita syukuri, kanthi nindakaken taqwa kita dhateng Allah SWT.
Taqwa kelawan nindakake perintah lan nilar sedaya larangan saking Allah ta’ala. Mugi-mugi kita dados tiyang ingkang begjha wonten ing dunya lan akhirat. Ugi istiqamah ing dalem nglampahi titah saking Gusti Allah ta’ala.
Hadirn ingkang dipun rahmati Allah
Istiqamah artosipun inggih punika saget ngajegake ing dalem taat dhateng Allah SWT. Tiyang ingkang istiqamah tansah jaga nglampahi kewajiban uga saget nebihi lan nilar sedaya ingkang dipun haramaken Allah. Tiyang-tiyang ingkang mekaten, mangka ana ing akhirat, bakal mlebet swarga. Allah ta’ala sampun paring dhawuh:
فَاسْتَقِمْ كَمَآ اُمِرْتَ وَمَنْ تَابَ مَعَكَ وَلَا تَطْغَوْاۗ اِنَّهٗ بِمَا تَعْمَلُوْنَ بَصِيْرٌ
Artosipun: “Mangka jejega (istiqamah) sira, kaya olehe den printah sira lan wong kang taubat sartane sira, lan aja padha lacut sira kabeh. Setuhune Allah iku Mirsani apa kang kabeh mbok lakoni,” (QS Hud:112).
Saking ayat meniko sampun pertelo bilih kito sedhoyo kedah istiqomah anggenipun ngestuaken sedhoyo perintah-perintahipun Allah SWT, koyo dene wong kang taubat utawi nembe taubat. keranten tiyang ingkang taubat meniko biasane nggih sregep ngibadah, sregep maos istighfar, tasbih, hamdalah lan sanesipun. Dados ketaatan ingkang dimaksud meniko taat ingkang istiqomah, mboten namung nalikane ngelampahi taubat marang Allah SWT. Keranten Gusti Allah meniko dzat ingkang moho mengertosi nopo ingkang dhohir, ketingal lan ingkang bathin, utawi mboten ketingal koyo dene krentek e athi kitho sedhoyo. Sahinggi kitho kedah jagi lisan kitho ugi njagi krentek e athi kito saking pangucap ingkang mboten sae.
Wonten ing ayat sanesipun Gurti Allah SWT. ugi dhawuhake:
إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ (فصلت: ٣٠)
Artosipun: “Saktemene wong-wong kang padha ngucap: utawi Pengeran ingsun kabeh, iku Gusti Allah. Nuli padha jejeg (istiqamah), mangka malaikat bakal temurun sarta padha matur, aja wedi lan aja susah. Lan bungaha sira kabeh, kelawan suwarga ingkang sampun dijanjikake Allah,” (QS Fushshilat: 30).
Wonten ing kitab Tafsir Al Ibriz dipun terangake, bilih tiyang ingkang istiqomah, tegese tiyang ingkang netepi tauhid lan nindaake kewajiban-kewajiban, mangka wong kaya iku wau nalikane badhe kapundhut katimbalan sowan wonten ngerso dalem Allah SWT., malaikat padha medun nekani deweke, lajeng dhawuh: Sira kabeh aja padha wedi (ngadepi pati) lan susah (ninggalake keluarga lan liya-liyane). Lan janjine Allah ta’ala, yaiku kabar bungah arupi suwarga maring tiyang-tiyang ingkang istiqamah kaya mengkunu iku.
Ma’asyiral Muslimin rahimakumullah,
Istiqamah dados perkawis ingkang penting, kangge cekelan kita ing dalem nglampahi gesang wonten ing zaman ingkang penuh tantangan sakmenika. Tiyang ingkang istiqamah ing ndalem nglampahi sedhoyonipun ajaran agama lan ketaatan dhateng Gusti, piyambake bakal gesang kanthi tentrem, adem, ayem. Ora gampang kabujuk marang gumebyare dunya. Ora gampang nglarani ati wong liya lan kosok wangsule, ora gampang lara ati. Sebab uripe tansah disandarke maring Gusti Allah. Senajan katon entheng utawi sepele, ananging istiqamah menika sejatine dados perkawis ingkang agung. Sebab kedudukanipun ingkang agung menika, wonten pangandikan: “al istiqamah khairun min alfi karamah”, setunggal amal ingkang istiqamah, niku langkung sahe tinimbang sewu karomah. Dados kagem e kitho ingkang sampun sregep dzirkir, maos qur’an monggo dipun istiqomahake. Istiqomah meniko mboten perkawis nambahi jumlah utawi wekdal anggenipun mempengi amal ibadah, anamung istiqomah langkung diutamaake tetep e amal senajan sekedik mawon. Keranten kanti istiqomah, bakal dados semangate nambahi amal-amal sak lajengipun.
Istiqomah ingkang dimaksud meniko macem-macem wernine, sepindah istiqomah anggenipun ngelampahi ibadah wajib, koyodene ibadah sholat gangsal wekdal. meniko nggih kedah istiqomah, keranten hukum wajib e. tiyang ingkang sampun saget istiqomah ngelampahi wajib e sholat gangsal wekdal, kiyambak e saestu mboten wantun nilar sholat meniko, senaoso sibuk nopo kemawon langkung-langkung perkawis dunyo. bahkan senaoso nembe gerah nggih tetep ngelampahi sholat, mboten aras-arasen. menawi amprat anggenipun gerah, syariat agami Islam ugi sampun wonten kinten-kinten rukhsah utawi totocara ingkang khusus kagem tiyang ingkang nembe gerah. menawi mboten saget jumeneng aggenipun sholat, nggih angsal kalihan lenggah, mboten saget wudhu, nggih saget kaliyan tayammum. lan sak piturute. Termasuk wajib e sholat jum’at kagem tiyang jaler, mungguhi tiyang ingkang istiqomah nggih mboten wantun nilar sholat jum’ah kelawan kesibukan lan pendamelan sanesipun. Keranten sholat jum’at meniko hukum e wajib.
Kaping kalihipun, nggih meniko istiqomah ngelampahi amalan-amalan sunnah. kanthi catatan, istiqomahe ngelampahi amalan sunnah, ampun ngantos ngungkuli semangate amalan ibadah wajib. Misalipun istiqomah anggenipun dzikir marang Allah SWT, maos Tasbih, Tahmid, Takbir, Tahlil, lan Istighfar.
Saklajengipun nggih meniko istiqomah anggenipun berusaha nilar sedhoyo amal ingkang dipun cegah ajaran agami, keranten kitho sedhoyo mboten anggadahi sifat ma’shum, nggih meniko sifat tercegah saking dhosa lan maksiat. Sifat ma’shum meniko sifatipun poro nabi lan rosul. Kitho sedhoyo mboten anggadahi sifat meniko. Sahinggo monggo sesarengan kitho kedah berusaha ngati-ngati anggenipun nglampahi gesang wonten ngalam ndunyo, nilarake nopo kemawaon ingkang dipun larang ajaran agami islam. Lan ngatah-ngatahake istighfar, taubat saking sedhoyo dhosa kita, nyuwun maghfiroh/ngapura marang gusti Allah SWT.
Ma’asyiral Muslimin rahimakumullah,
Pramila, mangga kita tansah istiqamah ing ndalem ajaran Islam, senaoso zaman terus berubah. Kita manfaatke, gesang ingkang namung sak antawis meniko, kangge taat dhateng Allah SWT.
Urip wonten ing dunya niki, inggih punika nikmat ingkang kedah dipun syukuri, supados kita angsal kesaenan wonten ing dunya lan akhirat. Kita dedunga kalian Allah ta’ala mugi kita saget tansah istiqamah ing dalem taat dhateng Allah ta’ala. Amin ya Rabbal Alamin.
أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah II
اَلْحَمْدُ للهِ وَكَفَى، وَأُصَلِّيْ وَأُسَلِّمُ عَلَى سَيِّدِنَا مُحَمَّدٍ الْمُصْطَفَى، وَعَلَى آلِهِ وَأَصْحَابِهِ أَهْلِ الْوَفَا. أَشْهَدُ أَنْ لَّا إِلهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ. أَمَّا بَعْدُ، فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ فَقَالَ: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا، اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا إِبْرَاهِيْمَ وَعَلَى آلِ سَيِّدِنَا إِبْرَاهِيْمَ، فِيْ الْعَالَمِيْنَ إِنَّكَ حَمِيْدٌ مَجِيْدٌ.
اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَّةً وَمِنْ بُلْدَانِ الْمُسْلِمِيْنَ عَامَّةً، إِنَّكَ عَلَى كُلِّ شَيْءٍ قَدِيْرٌ
عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبَى ويَنْهَى عَنِ الفَحْشَاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَلَذِكْرُ اللهِ أَكْبَرُ
